ՀՀ դեսպանությունը հյուրընկալել է Հնդկաստանում հավատարմագրված դիվանագիտական առաքելությունների ղեկավարների տիկնանց (SHOM) միության անդամներին

04 նոյեմբերի, 2025

Նոյեմբերի 4-ին Հնդկաստանում ՀՀ դեսպանությունը հյուրընկալել է երկրում հավատարմագրված դիվանագիտական առաքելությունների ղեկավարների տիկնանց (SHOM) միության անդամներին, որին ներկա են գտնվել մի շարք երկրների դեսպանների կանայք:

Իր ողջույնի խոսքում ՀՀ դեսպանի տիկին Լուսինե Տեր-Հովհաննիսյանը, երախտագիտություն հայտնելով պարբերաբար ընթացող նման հավաքույթների շարքում առաջին անգամ ՀՀ դեսպանությունում կազմակերպվող միջոցառման մասնակցության համար, անդրադարձել է Նյու Դելիի Հայաստան անվանակոչված փողոցում գտնվող ՀՀ դեսպանության հիմնադրման պատմությանն ու ճարտարապետական առանձնահատկություններին:

Միջոցառման ընթացքում ներկայացվել են Հայաստանի պատմությանը, մշակույթին, զբոսաշրջային վայրերին, արվեստին, հայ հայտնիներին, կրթությանն ու խոհանոցին, ինչպես նաև հայ-հնդկական առնչություններին վերաբերող հետաքրքրաշարժ տեղեկություններ: Հյուրասիրությանը մատուցվել են նաև ՀՀ դեսպանության դիվանագետների տիկնանց կողմից պատրաստված ուտեստներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր